Një plan kufizimi për ujin, ripërdorim të ujit të mbetur dhe çmime progresive. Presidenti francez ka njoftuar 53 masa kundër thatësirës.

Në fjalimin e parë nga Elizeu që nga kriza e reformës së pensioneve, Emmanuel Macron publikoi planin për të shpëtuar 10% të ujit brenda 2030-s.

“Sikurse kemi bërë për energjinë, ne do t’i kërkojmë çdo industrie të hartojë një plan kursimi për ujin brenda verës. Në ditët e ardhshme, ministrat do të mbledhin industritë që preken, energjinë, turizmin, agrikulturën, e të tjera. Gjërat funksionojnë më mirë kur secili e di se si po evoluon situata, kur gjithkush është i ndërgjegjshëm për përgjegjësitë që ka dhe kur e dimë se përpjekjet janë të përbashkëta”, tha Macron.

Macron njoftoi lëvrimin e 500 milionë eurove shtesë për të ujitur bimët dhe përgjithësimin e përgjegjësisë për vendosjen e çmimeve, duke penalizuar konsumatorët e mëdhenj.

Plani vjen në një kohë shqetësimi për efektet e thatësirës rekord që u regjistrua verën e kaluar.

LEXONI GJITHASHTU:

• Osmani krah Sunak dhe Macron, merr pjesë në Samitin për Demokraci
• Franca në protestë, Macron heq orën luksoze gjatë intervistës televizive