Spanjë/ Marrëveshje me separatistët, Sanchez firmos paktin për amnistinë penale

Kryeministri spanjoll ka arritur një marrëveshje me drejtuesit e lëvizjes që kërkojnë pavarësinë e Katalonjës. Sipas kësaj marrëveshje, drejtuesit e lëvizjes për pavarësi nuk do të ndiqen penalisht nga drejtësia spanjolle, ndërsa kryeministri aktual garanton votat për qeverisjen.

Pas negociatave intensive, Partia Socialiste Spanjolle e Pedro Sánchez arriti një marrëveshje të enjten me partinë e udhëhequr nga lideri pro-pavarësisë katalanase Carles Puigdemont.

Në këmbim të mbështetjes së tyre, lëvizja pro-pavarësisë katalanase ka marrë premtimin nga socialistët që Parlamenti do të miratojë një ligj amnistie për liderët dhe aktivistët e tyre që përballen me ndjekje penale. Aministi fitojnë kryesisht aktivistët e përfshirë në tentavitën për shkëputjen e Katalonjës në 2017.

Burimi pranë negociatave nuk dha detaje të përmbajtjes së marrëveshjes. Lideri i separatistëve ndodhet në Bruksel që pas largimit nga Spanja në 2017 për t’i shpëtuar ndjekjes penale nga gjykatat spanjolle.

Projektligji për amnisti pro-pavarësisë katalanase ka nxitur zemërim tek e djathta spanjolle dhe e djathta ekstreme, të cilët akuzojnë Pedro Sanchezin se është i përgatitur të bëjë gjithçka për të qëndruar në pushtet.

Kjo marrëveshje i garanton kryeministrit aktual qëndrimin në pushtet dhe shmangien e krizave qeverisës.

LEXONI GJITHASHTU:

• Korçë, fasulja ‘luks’ për pensionistët, fermerët rrisin çmimin me 20%
• “I bllokuar në bunker”- Kush është udhëheqësi i Hamasit që kërkohet nga Izraeli