Spanjë, mbi 100 të vdekur nga vala e të nxehtit në maj

Spanja regjistroi numrin më të lartë të vdekjeve të lidhura me nxehtësinë në maj që nga fillimi i mbajtjes së të dhënave në vitin 2015, tha të martën ministria e shëndetësisë, pasi shumë pjesë të Evropës përjetuan temperatura rekord gjatë së njëjtës periudhë. Ministria tha se 101 vdekje mund t’i atribuohen valës së të nxehtit, numri më i lartë për muajin maj që nga viti 2015.

“Kjo shifër është 3.6 herë më e lartë se numri mesatar i vdekjeve të lidhura me nxehtësinë të regjistruara në maj gjatë dekadës së fundit”, tha ministria në një deklaratë, duke theksuar “ndikimet e rëndësishme shëndetësore të valëve të nxehtësisë, madje edhe para fillimit të verës”.

Këto vlerësime bazohen në një sistem të quajtur “MoMo” (Monitorimi i Vdekshmërisë) , i cili mbledh të dhëna ditore mbi numrin e vdekjeve në Spanjë dhe llogarit ndryshimin midis vdekshmërisë aktuale dhe asaj të parashikuar bazuar në të dhënat historike.