Spark Your Business Episodi 4: 5G, Revolucioni Dixhital që po ndryshon Shqipërinë

Në episodin e radhës të Spark Your Business, vëmendja u përqendrua tek një nga zhvillimet më të rëndësishme teknologjike të dekadës: rrjeti 5G. Një teknologji që nuk shihet më thjesht si një përmirësim i lidhjes, por si motori i një revolucioni që do të transformojë bizneset, industritë dhe ekonominë shqiptare.

“Ne kemi një mundësi reale që Shqipëria të kapë nivelet më të larta të BE-së për dixhitalizimin dhe infrastrukturën dixhitale deri në vitin 2030,” tha CEO i Vodafone Albania, Balazs Revesz, duke theksuar se 5G do të sjellë një ndryshim rrënjësor në shoqëri, arsim dhe ekonomi.

Për ta bërë këtë transformim të mundur, Vodafone ka zgjedhur dy partnerë strategjikë ndërkombëtarë: Nokia dhe Airbus.

• Nokia, gjigandi global i teknologjisë, solli në event ekspertizën e saj në ndërtimin e rrjeteve 5G dhe zgjidhjet Open RAN, duke garantuar shpejtësi më të lartë, efikasitet më të madh dhe siguri të shtuar për bizneset dhe industrinë.
• Airbus, lider në teknologjitë e komunikimit kritik, prezantoi zgjidhje të sigurta për sektorë jetikë si energjia, transporti dhe shërbimet emergjente, duke theksuar rëndësinë e partneritetit me operatorë si Vodafone për të mbështetur misione ku çdo sekondë ka vlerë.

Në eventin “Fit for the Future with 5G”, të organizuar nga Vodafone Business, u shpalosën në mënyrë praktike përfitimet e 5G për bizneset shqiptare: nga rrjetet private të sigurta, tek dronët e lidhur me 5G për ndjekje dhe inspektim në kohë reale, e deri tek zgjidhjet inteligjente për sigurinë në kantieret e ndërtimit.

Sipas Dea Mahmutaj, drejtuese e marketingut në Vodafone Business, 5G po e kthen konceptin e lidhjes nga një shërbim bazë në një motor strategjik për transformimin e bizneseve. “Eventi tregoi qartë se 5G nuk është vetëm një inovacion teknologjik, por një mundësi konkrete që u jep bizneseve mjetet për të tejkaluar sfidat dhe për t’u rritur më shpejt,” u shpreh ajo.

Mesazhi i episodit ishte i qartë: 5G është e ardhmja. Kompanitë që e përqafojnë këtë teknologji sot, do të jenë liderët e së nesërmes.

Pyetja mbetet: A jeni gati për të ardhmen?

 Për të zbuluar më shumë mbi revolucionin e 5G dhe si mund të ndihmojë biznesin tuaj, ndiqni episodin e plotë të SPARK your business, si dhe eksploroni shërbimet më të fundit të Vodafone Business në https://www.vodafone.al/biznesi/