“Specialja gjykim politik për ish-krerët e UÇK”, Limaj: Uroj që në fund të…

Fatmir Limaj, një nga ish-drejtuesit e lartë të UÇK-së tha në emisionin Balkan Talks në Euronews Albania se Gjykata Speciale e Hagës është duke mbajtur një proces politik ndaj ish-krerëve të UÇK.

Limaj u shpreh se impakti për kombin shqiptar nga ky proces është shumë i madh ndaj është e pamundur të ndahet efekti politik nga ai juridik, por ajo që ka rëndësi është që vendimi përfundimtar të bazohet në rregulla juridike.

“Rregullat në bazë të të cilave ka funksionuar Tribunali i Hagës janë normat më të larta të drejtësisë ndërkombëtare ose si të thuash maja e drejtësisë ndërkombëtare, që janë përgatitur nga juristët, avokatët, gjyqtarët dhe prokurorët më të mirë të botës dhe ka qenë në mbikëqyrje të plotë të Këshillit të Sigurimit të OKB, ndërsa Gjykata Speciale është me standarde shumë herë më të ulëta të drejtësisë. Së pari është interesi publik i Kosovës dhe kombit shqiptar, dhe edhe pse flitet se është një proces juridik, impakti për kombin tonë është shumë i madh, ndaj është e pamundur të ndahet efekti politik nga ai juridik. Ajo që po shpresojmë dhe besojmë është që vendimi të merret në bazë të rregullave juridike në bazë të provave dhe fakteve dhe të mbështetet vetëm tek e vërteta”, tha Limaj.

LEXONI GJTHASHTU:

• Rama i përgjigjet ashpër Kurtit: Nuk njihje himnin e Kosovës, Thaçin e doje në Hagë
• Prokurori që çoi Thaçin në Hagë paditi dhe Presidentin, Trump: Smith është kriminel