“Spektatorët qanin, sidomos gratë”- Aliçka flet për vënien në skenë të veprës ‘Luba’

Historia e dashurisë së një gruaje sovjetike me një shqiptar në kohën e diktaturës është subjekti i veprës së autorit Ylljet Aliçka, e cila është vënë në skenë në Teatrit Eksperimental.

I ftuar në studion e Euronews Albania, shkrimtari Aliçka zbuloi përjetimet personale nga realizimi në teatër i veprës së tij.

Ai tha se edhe pse e kishte shkruar vetë “Lubën” u emocionua nga ajo që pa nga aktorët e rinj dhe të talentuar.

Aliçka tha se shfaqja përcolli emocion duke bërë që shumë spektatorë të shpërthenin në lotë gjatë shfaqjes.

“Spekatatorët u emocionuan dhe ky është funksioni i artit. Platforma më e privilegjuar për të referuar emocion është arti. I prekte emocionet kjo pjesë, nga publiku kishte vërtetë emocione, kishte njerëz që qanin. Kishte goxha njerëz me lot, sidomos gratë. Megjithëse e kam shkruar unë, kur e shikon në skenë të ngjall emocion. Pjesa e të rinjëve, hynë në rolin e tyre për një realitet të panjohur dhe e bënë të tyren”, tha Aliçka.

LEXONI GJITHASHTU: 

• “Histori për t’u shkrirë gazit”- Aliçka: Si gardiani më frymëzoi për veprën “Luba”
• Shkrimtari Aliçka: Aktorët e rinj manovrohen më lehtë, kanë plastikë