Spiegel: Gjermania planifikon të porosisë 15 avionë të tjerë F-35 nga SHBA-ja

Gjermania planifikon të porosisë 15 avionë luftarakë amerikanë F-35, raportoi sot Spiegel.

Në dokumentet e paraqitura në Komitetin e Buxhetit të Bundestagut gjerman, prokurimi shtesë i avionëve F-35A të prodhuar nga Lockheed Martin është renditur ndër prioritetet ushtarake, dhe sipas vlerësimeve të Ministrisë së Mbrojtjes të kryesuar nga Boris Pistorius, për këtë blerje do të ndahen 2.5 miliardë euro.

Forcat e armatosura gjermane (Bundeswehr) deri më tani kanë porositur 35 modele të këtij avioni luftarak, dhe modelet e para duhet të dorëzohen në Berlin në vitin 2027.

Sipas Spiegel, F-35 duhet të zëvendësojë modelet e vjetruara Tornado dhe është strategjikisht e rëndësishme që aeroplanët e rinj të mund të mbajnë armë bërthamore.

Me dorëzimin e 15 avionëve të porositur, numri i avionëve F-35 në pronësi të Gjermanisë do të rritet në 50.

Bundeswehr-i porositi kohët e fundit 20 avionë luftarakë shtesë Eurofighter.

LEXONI GJITHASHTU:

• Merz: Gjermania dhe BE-ja duhet të përdorin fuqinë e tyre kundër rënies ekonomike
• Reforma ushtarake në Gjermani, dështon plani i partive të koalicionit qeverisës