Spikerja e BBC i drejton gishtin e mesit kamerës

Një spikere e BBC-së doli në transmetim të drejtpërdrejtë me gishtin e mesit drejtuar nga kamera.

Pamjet u bënë menjëherë virale, ndërsa ajo kërkoi falje për gabimin.

“Hey njerëz! Dje para fillimit të edicionit po bëja shaka me ekipin. Ktheva gishtin si shaka dhe nuk e kuptova që kjo po kapej nga kamera. Ishte një shaka me ekipin dhe më vjen shumë keq që doli në transmetim! Nuk ishte qëllimi im që të ndodhte kjo dhe më vjen keq nëse ofendova apo mërzita dikë. Nuk po e tregoja gishtin për shikuesit dhe për askënd. Ishte një shaka pa kuptim që po e bëja me shokët e mi,” – shkroi Maryam Moshiri në rrjetin social X.

Spikeres ju deshën disa sekonda për të kuptuar që është live dhe menjëherë pas kësaj ajo ndryshoi tonin e zërit, bëri një fytyrë serioze dhe nisi të lexojë titujt kryesor.

This isn’t satire, an actual BBC News presenter got caught giving the middle finger live.

Maryam Moshiri summing up the professionalism currently at the BBC. pic.twitter.com/QoJ4FT133J

— Chris Rose (@ArchRose90) December 7, 2023

Incidenti i sikletshëm ndodhi në orën 12 të mesditës me kohën e Mbretërisë së Bashkuar të mërkurën.

Shikuesit që e panë këtë moment kanë hyrë në rrjetet sociale për të dhënë mendimin e tyre. Disa kanë thënë se e kanë parë momentin si joprofesional, ndërsa të tjerë e kanë menduar si qesharak.

Por kjo nuk është hera e parë që një prezantues i BBC-së kapet duke treguar gishtin e mesit. Media britanike iu desh të kërkonte falje kur meteorologu i njohur Tomasz Schafernaker bëri të njëjtin gjest të vrazhdë ndaj kamerës në vitin 2010.

LEXONI GJITHASHTU:

• Marrëveshja për emigrantët me Italinë, BBC: Ku do të ngrihen strehimet
• Lobimi i PD në SHBA, Spahiu analizon shkrimin e BBC