Spiropali deklaron: Nuk ka antagonizëm mes Ramës dhe Kurtit 

Nuk ka asnjë antagonizëm midis Edi Ramës dhe Albin Kurtit, tha na emisionin “Now” Elisa Spiropali, ministre e Shtetit për Marrëdhëniet me Parlamentin.

Ministrja tha se ekziston një mosdakordësi për çështjen e “Open Balkan”, mirëpo kjo nuk i cenon marrëdhëniet midis dy kryeministrave.

“Ka një mosdakordësi për çështjen e “Open Balkan” që mund të zgjidhet, të debatohet, por kjo nuk cenon aspak marrëdhënien vëllazërore dhe mbi të gjitha, marrëdhënien mes dy qeverive”, u shpreh Elisa Spiropali.

Znj. Spiropali tha se dy kryeministrat komunikojnë shumë shpesh me njëri tjetrin dhe se në të ardhmen do të komunikojnë akoma më shpesh, pasi marrëdhënia me Kosovën është një ndër prioritetet e qeverisë Rama 3.

“Në mandatin tonë të tretë një nga prioritetet tona është jo vetëm mbështetja e Kosovës në rrafshin ndërkombëtar por edhe bashkëpunimi ekonomik midis dy vendeve”, tha ministrja Spiropali.

LEXONI GJITHASHTU:

• ‘S’ka nevojë për ndërmjetësim Rama-Vuçiç’, Spiropali: E drejta në anën e Kosovës, reciprociteti nuk negociohet