Stafi amerikan i OSBE-së po largohet nga Ukraina

Këtë të dielë, stafi amerikan në Organizatën për Siguri dhe Bashkëpunim në Evropë (OSBE) po largohet nga qyteti Donetsk i Ukrainës lindore, tha një dëshmitar i Reuters, mes frikës për një pushtim të mundshëm rus.

Shtetet e Bashkuara dhe aleatët e tyre u kanë kërkuar qytetarëve të tyre që të largohen menjëherë nga Ukraina për të shmangur një pushtim, duke përfshirë një sulm të mundshëm ajror.

Rusia ka akuzuar vendet perëndimore për përhapjen e gënjeshtrave.

Së fundmi është zhvilluar një bisedë telefonike mes presidentit Joe Biden dhe homologut të tij Valdimir Putin.

Mësohet se Joe Biden i tha Vladimir Putinit se Perëndimi do t’i përgjigjet me vendosmëri çdo sulmi ndaj Ukrainës, duke shtuar se një hap i tillë do të prodhonte vuajtje të gjerë dhe do të izolonte Moskën.

Izraeli, Portugalia dhe Belgjika iu bashkuan listës së vendeve që u kanë kërkuar qytetarëve të tyre të largohen menjëherë nga Ukraina.