Stano: Zgjedhjet lokale në veri të Kosovës duhet të zhvillohen të qeta

Zëdhënësi i Bashkimit Evropian, Peter Stano deklaroi se duhet të sigurohen kushtet për mbajtjen e një procesi zgjedhor të qetë më 23 prill në veri të Kosovës.

Stano u bëri thirrje të gjitha palëve të ushtrojnë përmbajtje.

Në një përgjigje me shkrim për Radion Evropa e Lirë, Stano thotë se “zgjedhjet janë gur themeli i demokracisë” dhe thekson se “BE-së i vjen keq që Lista Serbe nuk ka ushtruar të drejtën e saj demokratike për të marrë pjesë në zgjedhjet e ardhshme lokale”.

Lista Serbe – e cila e gëzon mbështetjen e Beogradit zyrtar – ka rikonfirmuar më 20 mars se nuk do të marrë pjesë në zgjedhje dhe do ta mbajë këtë qëndrim derisa t’i përmbushen dy kërkesa: formimi i Asociacionit të komunave me shumicë serbe, dhe tërheqja e të gjitha njësiteve speciale të Policisë së Kosovës nga veriu i Kosovës.

Çështja e formimit të Asociacionit duhet të zgjidhet me Marrëveshjen drejt normalizimit, të mbështetur nga BE-ja, të cilën e kanë pranuar edhe Kosova, edhe Serbia.

LEXONI GJITHASHTU

• Ministri serb i Mbrojtjes: Çështja e Kosovës përbën rrezik për sigurinë e Serbisë
• Abazoviç: Raundi i ri i bisedimeve Prishtinë-Beograd të mbahet në Malin e Zi
• Dosja e krimeve të Arkanit, publikohen dokumente për masakrat në Bosnjë dhe Kosovë