Studentja 21-vjeçare gjendet e vdekur në konviktin e universitetit në Itali

Një studente italiane 21-vjeçare, me origjinë nga një rajon jugor, u gjet e vdekur brenda akomodimit universitar në Perugia.

Sipas asaj që mësohet, familja e të resë ka kërkuar konfidencialitet maksimal për këtë çështje. Studentja po qëndronte në një shkollë private me konvikt universitar në qendrën historike të kryeqytetit Umbrian.

Denoncimi u bë mbrëmjen e të premtes nga i dashuri i një shoqeje të studentes.

Oficerët e policisë së shtetit ndërhynë në akomodimin universitar në Corso Giuseppe Garibaldi ku ishte gjetur i vdekur studentja e re. Sapo mbërritën atje ata kontaktuan me djalin që kishte gjetur trupin.

Ky i fundit ka denoncuar se e fejuara, shoqe e 21-vjeçares, prej një dite nuk ka mundur të kontaktojë me të renë. E shqetësuar, ajo i kishte kërkuar të shkonte dhe të kontrollonte. Pasi ka hapur me forcë derën, i riu ishte futur në banesë ku kishte gjetur trupin e pajetë të 21-vjeçares.

Në atë moment ai ka thirrur menjëherë për ndihmë. Më pas në vendngjarje ka ndërhyrë edhe stafi i policisë mjeko-ligjore, mjeku ligjor dhe prokurori publik, të cilët kanë rregulluar transportimin e trupit në morgun komunal, në dispozicion të organeve të drejtësisë.

Në trupin e të resë nuk ka shenja të dukshme dhune. Sipas mediave italiane hetuesit nuk po përjashtojnë zyrtarisht asnjë hipotezë. Lajmi mbërrin në një qytet që nuk e ka harruar ende rastin e vrasjes së Meredith Kercher, një studente angleze e vrarë në fillim të nëntorit 2007.

LEXONI GJITHASHTUl:

• Berlusconi përshëndet mbështetësit e tij nga spitali
• Si vendos elektorati shqiptar? Sociologia: Të rinjtë votojnë figurat inovatore