Studentja: Në Shqipëri virgjëria barazohet me “nderin” te femrat

Tema e tabu e virgjërisë ishte kryefjala e pjesës së fundit të emisionit “Goodmornings Albanians”, në Euronews.

E ftuar në studio studentja, Megi Stambollxhi, shprehu habinë që kishte përjetuar kur kishte dëgjuar mbi klinikat e rikthimit të virgjërisë. Sipas saj në këto klinika shkojnë vajza të cilat i kanë të dashurit jashtë, me qëllimin që kur të kthehen ata t’i gjejnë të virgjëra.

Stambollxhiu tha se në Shqipëri fjala virgjëri konsiderohet si nder te femra dhe ndaj vajzat detyrohen të bëjnë ndërhyrje të tilla.

“Unë këto si fenomene për rikthimin e virgjërisë i kisha dëgjuar dhe prisja të ishte një thashethem midis vajzave, por qenka një gjë e vërtetë dhe po habitem në këtë pikë.

Pata dëgjuar disa raste konkrete nga shoqëria, rikthimi i virgjërisë ndërkohë që i dashuri ishte diku jashtë.

Në momentin që kthehej, priste që nusja të kishte atë ndershmërinë, atë pafajësinë, atë virgjërigë që është kthyer në një tabu. Fjala virgjëri barazohet me nder te femra”, tha Stambollxhiu.

LEXONI GJITHASHTU: 

• 500 euro për të rikthyer virgjërinë në klinikën në Maqedoninë e Veriut
• Virgjëria në ankand, Arba Gramo: Ai që e blen tregon se ka shumë lekë
• Gjinekologu: Burri dhe vjehrra shkojnë për të verifikuar virgjërinë e nuses