Studimi: Gati 20% e mjekëve në poliklinika kanë raportuar rastet e dhunës

Mjekët dhe infermierët në shërbimin parësor e raportojnë shumë pak dhunën në familje. Një studim i kryer nga Qendra Aleanca Gjinore për zhvillim i cili i prezantua gjatë konferencës kombëtare me temë: Vlerësimi i sfidave dhe përgjigja institucionale ndaj dhunës me bazë gjinore në shërbimin e kujdesit parësorë shëndetësor në Shqipëri, nxorri në pah se vetëm 68% e profesionistëve shëndetësor ndihen të përgatitur për të vlerësuar dhe menaxhuar rastet e dhunës, por shumë pak e kanë bërë.

Paralelisht me gjetjet, studimi ka dalë dhe me rekomandime.

Nga ana tjetër ambasadori i BE, Silvio Gonzato i pranishëm gjatë raportimit të gjetjeve në konferencë kërkoi që të punohet më shumë dhe të ketë 0 tolerancë për dhunën me bazë gjinore dhe diskriminimin.

“Në Shqipëri duhet më shumë punë veçanërisht në forcimin e ligjit dhe strukturat e mbrotjes të viktimave të dhunës, duam të shohim impaktin konkret në adresimin e sfidave për gratë në zonët rurale, gratë rome dhe egjiptiane dhe gjithashtu në komunitetin LGBTIQ“, tha Gonzato.

Ndërkohë përfaqësues të ministrisë së Shëndetësisë dhe shërbimeve shëndetësore bënë me dije se menaxhimi i rasteve të dhunës ka nevojë për një bashkëpunim institucional, në mënyrë që çdo viktimë e dhunë të marrë mbështetje në kohë reale.