Studimi tregon se 1 miliard të rinj janë në rrezik për humbjen e dëgjimit

Një studim i ri ka treguar se më shumë se 1 miliard njerëz janë në rrezik për humbjen e dëgjimit.

Kur bëhet fjalë për telefonat, muzikën, filmat dhe shfaqjet, është e zakonshme që adoleshentët dhe të rinjtë të dëgjojnë shumë me zë të lartë dhe shumë gjatë, sipas studimit të botuar të martën në revistën BMJ Global Health.

“Ne vlerësuam se 0,67 deri në 1,35 miliardë individë të moshës 12-34 vjeç në mbarë botën ka të ngjarë të përfshihen në praktika të pasigurta të dëgjimit,” dhe për këtë arsye janë në rrezik për humbjen e dëgjimit, tha autorja kryesore e studimit Lauren Dillard.

Dillard e cila është një konsulente e Organizatës Botërore të Shëndetësisë dhe një bashkëpunëtore postdoktoral në Universitetin Mjekësor të Karolinës së Jugut, thotë se ekspozimi ndaj zërit me një volum shumë të lartë mund të lodh qelizat shqisore dhe strukturat në vesh, shkruan CNN. 

Sipas studimit, ndikim të madh kanë përdorimi i kufjeve, si dhe frekuentimi i vendeve të  argëtimit, si koncerte, bare dhe klube.

LEXONI GJITHASHTU: 

• Meta akuza Ramës: Do të japë 1 miliard euro për shtatë koncensione
• Goditet grupi kriminal në Itali, në pranga 10 persona, mes tyre dhe shqiptarë