Stuhitë përfshijnë Evropën, reshje dhe erëra të forta në Spanjë dhe Itali

Në fillim i nxehti, ndërsa tani stuhitë. Erëra të forta dhe shi i dendur kanë përfshirë ishullin spanjoll të Majorkës, duke shkaktuar edhe përmbytje.

Reshjet lanë motoristët të udhëtonin në kushte të vështira mes stuhisë.

Edhe në Spanjën kontinentale shirat ishin në nivele rekord. Mbi 100 litra ujë për metër katror u akumuluan në disa zona të Katalonjës.

Zjarrfikësit shpëtuan me sukses një person që kishte mbetur i bllokuar në makinën e tij poshtë një ure.

Shira të dendura dhe erëra të forta kanë goditur gjithashtu veriun e Italisë, kryesisht rajonet e Lombardisë dhe Ligurias, ku stuhitë çrrënjosën pemë dhe dëmtuan çatitë e shtëpive.

Qytetarët në Xhenova u kapën të papërgatitur nga stuhitë. Cikloni “Popea”, që vjen nga Evropa veriore, po depërton në vend dhe po largon valën verore të të nxehtit.

Por në Greqi zjarret masive vazhdojnë të digjen, edhe pse njëri prej tyre, që ra në ishullin Andros, u vendos nën kontroll.

Zjarrfikësit vazhdojnë të qëndrojnë në pikat kyçe të territorit për shkak se fryjnë erëra të forta.

LEXONI GJITHASHTU:

• Moti i keq shkakton aksidente, 16 të plagosur në pak orë
• Moti i keq përfshin Pogradecin, era e fortë thyen pemën disavjeçare