Sulm me thikë në shkollën në Dublin, mes 5 të plagosurve janë dhe 3 fëmijë

Një ngjarje e rëndë ka ndodhur këtë të enjte në Dublin jashtë një shkolle në qendër të qytetit

Stephen Murphy, korrespondent i Sky News në Irlandë, tha se dëshmitarët i kanë thënë policisë se kanë parë një burrë, i cili po mbante një thikë, duke “sulmuar disa të rinj” ndërsa ata dolën nga shkolla.

Ngjarja ka ndodhur në një  shkollë fillore irlandeze ku të gjithë nxënësit do të bënin mësime në gjuhën irlandeze.

Sipas policisë nga ky sulm, janë plagosur 5 persona, 3 prej të cilëve janë fëmijë. YTë lënduarit janë dërguar në spitale të ndryshme. Një nga fëmijët, një vajzë dhe gruaja po trajtohen me plagë të rënda.

Dy fëmijët e tjerë dhe burri po trajtohen për lëndime më pak të rënda, sipas policisë.

Kryeministri irlandez Leo Varadkar tha se një i dyshuar është arrestuar. Ndërsa më herët, policia tha se për momentin nuk është në kërkim të askujt tjetër.

LEXONI GJITHASHTU:

• Lufta Izrael-Hamas, Katari zbulon kur do të nisë armëpushimi dhe lirimi i pengjeve
• Energjia/ Koha e kursimit mbaroi, në verë popullata harxhoi më shumë