Sulm në Gaza: 14 të vrarë dhe 25 të plagosur nga ushtria izraelite

Katërmbëdhjetë persona kanë humbur jetën dhe 25 të tjerë janë plagosur pasi ushtria izraelite goditi tendat e palestinezëve të zhvendosur në veri të Kampit të Refugjatëve Shati, në perëndim të qytetit të Gazës. Lajmi është bërë i ditur nga agjencia palestineze e lajmeve WAFA, ndërsa Anadolu transmeton se viktimat përfshijnë gra dhe fëmijë.

Sipas raportimeve, trupat e pajetë dhe të plagosurit janë dërguar në Spitalin Shifa. Situata humanitare në Rripin e Gazës vijon të përkeqësohet për shkak të sulmeve të vazhdueshme dhe bllokadës së ashpër që ka kufizuar ndihmën humanitare, duke shkaktuar mungesa të thella ushqimore, uji të pijshëm, ilaçesh dhe furnizimesh mjekësore.

Sipas të dhënave më të fundit, që prej 7 tetorit 2023, të paktën 59.029 palestinezë janë vrarë.

LEXONI GJITHASHTU:

• Kremlini: Putin i gatshëm të diskutojë për paqe në Ukrainë
• Po kërkonin ndihmë në Gaza, forcat izraelite vrasin 67 palestinezë