Sulm në Kishat spanjolle, një person i vrarë dhe disa të plagosur

Një person mbeti i vrarë dhe një tjetër i plagosur rëndë në dy sulme të ndryshme të kryera nga një person në dy kisha të qytetit Algesiras, në Spanjë.

Autoritetet spanjolle deklarojnë se po e hetojnë rastin për të verifikuar nëse sulmi kishte sfond terrorist.

Agresori, i cili vrau me hanxhar një punonjës kishe dhe plagosi një prift, u arrestua në qytetin jugor pasi u çarmatos nga forcat speciale.

Sipas mediave iberike, ai është një person me kombësi marokene i moshës 40-vjeçare. Tre persona të tjerë mbetën të plagosur lehtë kur ndodhi incidenti, pak pas orës 19, me orën lokale.

I dyshuari hyri fillimisht në kishën San Isidro dhe sulmoi priftin, i cili mbeti i plagosur rëndë, dhe 5 minuta më vonë në kishën tjetër ku sulmoi mirëmbajtësin.

Ky i fundit fillimisht u largua, por u kap me vrap nga autori, i cili i dha goditjen fatale. Policia thotë se agresori bërtiste diçka teksa kryente sulmin.

LEXONI GJITHASHTU:

• Donald Trump rikthehet në rrjetet sociale
• Parking nën ujë për biçikletat, në Amsterdam ndërtohet hapësira e re për qytetarët
• Zbardhen emrat, kush janë shqiptarët e goditur nga operacioni i SPAK dhe italianëve