Sulmet kibernetike, Noka: Hakerat kanë marrë të dhëna nga sistemi TIMS dhe me Memex

Deputeti i Partisë Demokratike, Flamur Noka u shpreh pas mbledhjes së Këshillit të Sigurisë se u konfirmua fakti që është hakeruar sistemi TIMS dhe Memex, duke u cenuar rëndë siguria kombëtare.

“E gjitha rrotullohet rreth fatit që shqiptarët nuk duhen të informohen dhe nuk duhet ta dinë çfarë ka ndodhur me sulmet kibernetike. Drejtori i komanduar i Shërbimit, ndër të tjera nuk ka tha asnjë gjë që është sekrete. Janë hakeruar prej 14 muajsh sistemet digjitale të Shqipërisë. U konfirmua fakti që është hakeruar sistemi TIMS dhe me Memex i policisë që cenon rëndë sigurinë kombëtare. U konfirmua që prej 14 muajsh që hakerat jo vetëm të Iranit, por edhe rusë dhe serbë kanë kontroll mbi të dhënat”, u shpreh Noka.

Më tej ai nënvizoi se hakerat qeveritarë kanë ndërhyrë për të asgjësuar të dhëna.

“Kërkesa jonë ishte kjo, që për sa kohë që sistemet janë hakeruar dhe për sa kohë çdo gjë që është sekrete dhe jo sekrete e kanë armiqtë e vendit, pse mos ta dinë shqiptarët, çfarë ka ndodhur?  Në sistemet e policisë kanë ndërhyrë edhe hakerat qeveritarë për të hequr të dhëna”, tha ai më tej.

LEXONI GJITHASHTU:

• Debate tek Komisioni i Sigurisë për sulmet kibernetike, mbledhja me dyer të mbyllura
• Hakerat godasin sistemin Memex, Kikia: Cënim i sigurisë, dëm shumë i madh
• Zbulohet pse u thirr në SPAK ish-drejtoresha e ARRSH, Sonila Qato