Sulmet ruse shkaktojnë zemërim në shtetet evropiane, protesta në disa kryeqytete

Në kryeqytetet evropiane ka pasur protesta të shumta për të dënuar sulmet e Rusisë kundër Ukrainës.

Në Bukuresht, dhjetëra emigrantë u mblodhën jashtë ambasadës ukrainase.

Stafi diplomatik, duke përfshirë ambasadorin e Ukrainës në Rumani, shprehu zhgënjimin me refuzimin e dukshëm të Moskës për të diskutuar një zgjidhje politike.

Në Pragë, qindra qytetarë dolën për të dënuar sulmet ruse kundër qyteteve të shumta anembanë Ukrainës.

Demonstruesit në sheshin qendror mbanin kryqe me emrat e vendeve të goditura nga raketat ruse, si dhe çadra që simbolizonin mbrojtjen ajrore.

Ndërkohë, përpara ambasadës ruse, në një satirë për aneksimin e katër territoreve të Ukrainës nga Rusia, protestuesit organizuan një referendum të rremë për të aneksuar enklavën ruse të Kaliningradit.

Dhe në Romë, qindra ukrainas u mblodhën në një vend jo shumë larg Ambasadës Ruse, duke brohoritur parulla që kritikonin presidentin rus, Vladimir Putin.

Moska i ka justifikuar veprimet e saj duke thënë se po lufton terrorizmin.

LEXONI GJITHASHTU

• SHBA dënon sulmet ‘brutale’ ruse në Ukrainë
• “S’kemi frikë nga raketat ruse”, e reja nga Kievi: Nuk do largohem nga Ukraina
• Raketat që goditën Kievin kaluan përmes Moldavisë, autoritetet llogari Rusisë