Sulmi ajror rus godet pikën kufitare Ukrainë-Rumani, Bukureshti ngre avionët

Një sulm ajror rus herët të shtunën në mëngjes goditi një terminal tragetesh në kufirin Ukrainë-Rumani, duke shkaktuar pezullimin e shërbimit.

Dronët rusë goditën pikën e kalimit të trageteve Orlivka-Isaccea në orët e para të mëngjesit, tha Shërbimi Shtetëror Doganor i Ukrainës, duke shtuar se infrastruktura kyçe ishte dëmtuar.

Kjo nuk është hera e parë që Rusia ka shënjestruar pikën kufitare. Shërbimet e trageteve ishin ndalur më parë në tetor 2023 dhe tetor 2022 pas sulmeve ruse.

Sulmi i fundit ishte pjesë e një akti më  të rëndë në jug të Ukrainës gjatë natës që plagosi dy persona, tha kreu i rajonit të Odesës.

Në përgjigje të bombardimeve, Rumania ngriti në ajër dy avionë luftarakë F-16 Fighting Falcon, njoftoi ministria e mbrojtjes e vendit.

Rreth orës 1:30 të mëngjesit, një dron u pa pranë kufirit rumun, por nuk hyri në hapësirën ajrore të vendit, tha ministria.

LEXONI GJITHASHTU:

• Sulm rus në rajonin e Sumyt vret 6 ushtarë ukrainas gjatë stërvitjes
• “Sulm ekstremist në Moskë”, ambasada e SHBA paralajmëron qytetarët amerikanë në Rusi