“Sulm ekstremist në Moskë”, ambasada e SHBA paralajmëron qytetarët amerikanë në Rusi

Ambasada amerikane në Rusi ka paralajmëruar për sulme ekstremiste në Rusi. Në një njoftim publik, selia diplomatike amerikane njofton qytetarët amerikanë që jetojnë në Rusi që të shmangin tubimet e mëdha në kryeqytet.

Sipas ambasadës, alarmi vjen pas raportimeve se ekstremistët kanë plane të afërta për të kryer sulme.

Ky është paralajmërimi i radhës i Uashingtonit për qytetarët amerikanë që jetojnë në Rusi. Më herët, ambasada ka kërkuar largimin nga territori i Rusisë të gjithë shtetasve me pasaportë amerikane. Njoftimit janë bërë për shkak deklaratave të politikanëve të lartë rusë kundër SHBA dhe politikave që ajo po ndjek pas nisjes së pushtimit të Ukrainës.

Agresioni i Rusisë ndaj Ukrainës në vitin 2022 ka shkaktuar krizë mes raporteve zyrtare mes Moskës dhe Uashingtonit zyrtar. Presidenti rus ka fajësuar direkt SHBA për armatosjen e Ukrainës dhe zgjerimin e aleancës së NATO-s me shtete të tjera. Sipas Putin, zgjerimi i NATOs me shtete që janë në kufi me Rusinë është kërcënim direket për Moskën.

LEXONI GJITHASHTU:

• Snajperistet ukrainase, si luftëtaret femra po bëjnë rrugë në Forcat e Armatosura
• Zelensky viziton Turqinë për sigurinë ushqimore dhe bashkëpunimin në mbrojtje