Sulmi kibernetik prek aeroportin e Brukselit, anulohen disa fluturime
Të premten në mbrëmje, disa aeroporte evropiane, përfshirë Aeroportin e Brukselit, u goditën nga sulme kibernetike që preku sistemet e imbarkimit dhe të regjistrimit.
Si pasojë, disa fluturime të së shtunës u vonuan ose u anuluan. Aktualisht, regjistrimi bëhet vetëm manualisht, ndërsa po punohet intensivisht për rikthimin e sistemeve në funksion të plotë.
“Kjo ka një ndikim të madh në orarin e fluturimeve dhe për fat të keq do të shkaktojë vonesa dhe anulime të fluturimeve”, tha operatori në një deklaratë të publikuar në faqen e tij të internetit.
“Ofruesi i shërbimit po punon në mënyrë aktive për problemin dhe po përpiqet ta zgjidhë atë sa më shpejt të jetë e mundur.”
Heathrow paralajmëroi gjithashtu për vonesa të shkaktuara nga “një problem teknik” te një furnizues i palës së tretë.
Pasagjerët me një fluturim të planifikuar për të shtunën u këshilluan nga aeroportet e prekura që të konfirmonin udhëtimin e tyre me linjat ajrore përpara se të niseshin për në aeroport.
“Për shkak të një problemi teknik te një ofrues sistemi që operon në të gjithë Evropën, ka kohë më të gjata pritjeje në regjistrim. Po punojmë për një zgjidhje të shpejtë”, tha aeroporti i Berlinit në një banderolë në faqen e tij të internetit.
Aeroporti i Frankfurtit nuk është prekur nga sulmi, tha një zëdhënës.
LEXONI GJITHASHTU:
Lirohen disa nga të arrestuarit në protestën para Kuvendit, mes tyre edhe Dritan Goxhaj
Qeveria miraton “bonusin e verës” për pensionistët, sa do të jetë shuma që do të përfitojnë
Protesta me tensione sot te parlamenti lëndohen 4 policë
- 17:13 Lirohen disa nga të arrestuarit në protestën para Kuvendit, mes tyre edhe Dritan Goxhaj
- 17:07 Qeveria miraton “bonusin e verës” për pensionistët, sa do të jetë shuma që do të përfitojnë
- 16:43 Protesta me tensione sot te parlamenti lëndohen 4 policë
- 16:35 Aksidenti tragjik i furgonit të Beratit, policia: 2 viktima dhe 15 të plagosur, oficeri Vatoci jep detaje nga vendi i ngjarjes
- 16:32 SPAK dërgon në gjyq ‘Rrumin’ e Shijakut dhe 7 të pandehur të tjerë
- 16:31 Babai dhe dy djemtë shpallen fajtorë për vrasjen e dyfishtë në Kurjan të Fierit