Sulmi me 3 viktima e disa të plagosur në Gjermani, përfundon në pranga një 15-vjeçar

Një 15-vjeçar u arrestua të shtunën në lidhje me një sulm me thikë në një festival në Gjermani që la tre persona të vdekur dhe disa të tjerë të plagosur, thanë autoritetet.

Sipas mediave të huaja, i dyshuari kishte qenë në arrati për orë të tëra pas tragjedisë së të premtes në Solingen.

Shefi i policisë Markus Röhrl tha se autoritetet nuk mund të përjashtonin një motiv “terrorist”, duke vënë në dukje se u gjetën thika të shumta.

Ai shtoi se sulmuesi synoi në mënyrë specifike fytin dhe qafën e viktimave. Ndërkohë hetimet vijojnë për të bërë të mundur identifikimin e autorëve të tjerë të përfshirë dhe zbardhjen e plotë të rrethanave të ngjarjes.

LEXONI GJITHASHTU:

• Sulm me thikë në një festival në Gjermani, raportohet për tre të vdekur
• Përfshihet nga flakët karuseli në Gjermani, plagosen 23 persona