Sulmi në burgun rus, grupi militant: Hakmarrje për persekutimin e myslimanëve

Katër punonjës të burgjeve ruse janë vrarë pasi të burgosurit në burgun IK-19 Surovikino në rajonin jugperëndimor të Volgogradit, organizuan një revoltë.

Forcat speciale sulmuan objektin pasi të burgosurit me thikë, të cilët e identifikuan veten si militantë të Shtetit Islamik (IS), pretenduan se kishin marrë kontrollin e kompleksit të gjerë.

Mediat ruse i emëruan sulmuesit si Ramzidin Toshev, 28 vjeç, Rustamchon Navruzi, 23, Nazirchon Toshov, 28 dhe Temur Khusinov, 29 vjeç.

Të gjithë ishin vendas nga Uzbekistani dhe Taxhikistani.

 Burrat thanë se ishin të motivuar nga dëshira për t’u hakmarrë për persekutimin e muslimanëve.

Autoritetet thanë se operacioni i forcave speciale kishte liruar disa pengje dhe “neutralizoi” të gjithë sulmuesit, por më vonë konfirmuan se katër punonjës të burgut kishin vdekur.

Një imazh i paverifikuar i postuar në mediat sociale duket se tregon një të burgosur që mbante një thikë duke qëndruar mbi një roje burgu të gjakosur gjatë revoltës.

Garda Kombëtare e Rusisë tha se snajperët qëlluan katër sulmues në operacionin e shpëtimit.

Trupat e armatosur  u filmuan duke mbërritur në burg në pamjet e postuara në aplikacionin e mesazheve Telegram nga Garda Kombëtare.

Sulmuesit thuhet se kanë sulmuar rojet dhe kanë plagosur disa punonjës të burgut.

FSIN tha se tetë punonjës të burgut dhe katër të dënuar ishin marrë peng.

LEXONI GJITHASHTU:

• Gjykata lë në burg rusin anti-Putin të kapur në Rinas, Bobovnikov: Jam i pafajshëm
• Një grua ruso-amerikane dënohet me 12 vjet burg në Rusi për tradhti