Sulmi në kryeqytetin e Ukrainës mund të ndodhë në çdo moment, pretendon zyrtari

Sulmi në Kiev mund të ndodhë nga momenti në moment, duke qenë se trupat ruse kanë sulmuar sot zona në të gjithë vendin duke synuar kryeqytetin.

Kjo ishte deklarata e Wladimir Klitschko, një anëtar i forcave të mbrojtjes territoriale të Ukrainës, ish-kampion i boksit dhe vëllai i kryetarit të bashkisë së Kievit për CNN.

pic.twitter.com/QSUZmT83WT

— Klitschko (@Klitschko) March 11, 2022

“Në ditët në vijim, ne presim një sulm të rëndësishëm ndaj kryeqytetit. Ata po rigrupohen. Ata po përpiqen të gjejnë strategji të ndryshme dhe po përpiqen të gjejnë rrugën e duhur dhe kohën e duhur. Kështu që çdo orë ka rëndësi, dhe pastaj ne presim një sulm në kryeqytet në çdo moment, veçanërisht, siç thashë, ditët në vijim. Objektivi i tyre është kryeqyteti”, tha Klitschko.

Ai tha se vullneti i popullit ukrainas mbetet i fortë, por ata kanë nevojë për mbështetje.

“Kjo është e rëndësishme për t’u kuptuar nga bota perëndimore dhe aleatët tanë që të veprojnë tani. Ne nuk mund të presim javë apo muaj për vendime të caktuara. Bëhet fjalë për orë dhe minuta. Ne kemi nevojë për mbështetje, financiare, humanitare, pajisje ushtarake. Ne do të kujdesuni për veten, na besoni”, shtoi ai.

LEXONI GJITHASHTU:

• Putin: Do përdorim mercenarë të Lindjes së Mesme për luftën në Ukrainë