Sulmi në Mançester, policia qëlloi aksidentalisht një nga viktimat

Detaje të reja janë zbardhur në lidhje me sulmin e regjistruar ditën e djeshme në Mançester ku për pasojë humbën jetën 2 persona. Mësohet se një nga viktimat u qëllua aksidentalisht nga të shtënat e policisë. Këtë e ka konfirmuar shefi i policisë,  Sir Stephen Watson.

Shefi i Policisë pretendon se njëri nga dy personat e vrarë ka pësuar një lëndim që përputhet me një plagë me armë zjarri, pa deklaruar nëse ky ishte shkaku i vdekjes. Një tjetër person ndodhet ka marrë plagë më armë zjarri por fatmirësisht është jashtë rrezikut për jetën. Ai gjithashtu vuri në dukje se sulmuesi 35-vjeçar, Jihad Al-Sami, nuk kishte në posedim armë zjarri.

Të shtënat u shkaktuan vetëm nga oficerët e policisë në vendngjarje, të cilët hapën zjarr ndërsa përpiqeshin ta pengonin atë të hynte në sinagogë. Watson tha se si rezultat plagët me armë zjarri ndaj dy personave fatkeqësisht mund të jenë shkaktuar si një pasojë e veprimeve urgjente të ndërmarra nga oficerët e mi.