Të paktën tetë persona janë plagosur nga një sulm me dron ukrainas pranë aeroportit Morozovsk, ka thënë guvernatori i rajonit të Rostovit.
“Në rrethin Morozovsk, jo shumë larg fushës ajrore, si rezultat i shpërthimit të një mjeti shpërthyes… tetë persona u plagosën, sipas të dhënave paraprake,” tha Vasily Golubev.
Sipas mediave të huaja, ai tha gjithashtu se të lënduarit janë dërguar në spital dhe ekipe shtesë mjekësore janë dërguar në zonë.
Një burim ukrainas i tha Sky Neës më herët se një “sulm i koordinuar” ishte kryer gjatë natës në aeroport.
Golubev nuk bëri asnjë referencë për ndonjë sulm të drejtpërdrejtë në aeroport dhe nuk detajoi ndonjë dëmtim të avionëve ose pajisjeve ushtarake.
Ndërkohë më herët burime bënë me dije se nga sulmi ishin shkatërruar të paktën 6 avionë rus dhe ishin dëmtuar 8 të tjerë.
LEXONI GJITHASHTU:
- Sulmi ukrainas dyshohet se shkatërroi 6 avionë, pamjet satelitore të aeroportit rus
- Artisti serb viziton Putin, i thur lavde për luftën në Ukrainë
