Sulmohen me thikë efektivët e policisë, një i vdekur dhe 2 të plagosur në Budapest

Një oficer policie në Budapest ka vdekur pasi dyshohet se u qëllua me thikë nga një burrë që përpiqej t’i shpëtonte arrestimit të enjten.

BBC shkruan se policia u thirr në distriktin XI të kryeqytetit të Hungarisë rreth orës 22:10 të mbrëmjes së të enjtes, për të ndaluar një person që po përpiqej të hynte në një kompleks banimi.

Burri plagosi tre policët përpara se të largohej në rrugë, ku u qëllua nga një oficer i katërt dhe u arrestua.

Një deklaratë e policisë e përshkruan autorin e dyshuar si një “njeri të çmendur me thikë”.

Të gjithë oficerët e policisë të plagosur, së bashku me autorin e plagosjes u dërguan në spital, ku njëri prej tyre, 29-vjeçari Peter Baumann, nuk mundi dot t’i mbijetonte plagëve të marra.

Një flamur i zi do të valëvitet në ndërtesat e policisë dhe automjetet e shërbimit do të shfaqin një shirit zie për të nderuar oficerin, tha departamenti i policisë së Hungarisë.

Kryeministri hungarez Viktor Orban tha se qeveria do të ofrojë mbështetje për familjen e zotit Baumann.

LEXONI GJITHASHTU:

• Më shumë se 200 trupa ukrainase udhëtojnë në Spanjë për stërvitje
• Mbylli të moshuarën në dollap e i vodhi 20 mijë euro, arrestohet shqiptari në Itali