Sulmohet makina e policisë së Kosovës nga protestuesit në Zveçan

Një makinë e Policisë së Kosovës është penguar dhe sulmuar nga protestuesit me mjete të forta në komunën e Zveçanit.

Mediat e Kosovës, bëjnë me dije se lajmin e ka konfirmuar zëdhënësi i Policisë, Baki Kelani, i cili tha se si pasojë e sulmit, automjetit së policisë i është thyer xhami.

Kelani theksoi se nuk raportohet për të lënduar, teksa rasti është duke u hetuar.

“Mund të konfirmojmë se, një veturë policore e cila ka qenë me detyrë zyrtare duke patrulluar në drejtim të komunës së Zveqanit, është penguar dhe sulmuar me mjete te forta nga protestuesit. Si pasojë e sulmit me mjete të forta (gurë), veturës i është thyer xhami, e cila më pas është larguar nga ai lokacion. Nuk raportohet për të lënduar, përderisa rasti është duke u hetuar”, tha Kelani.

LEXONI GJITHASHTU: 

• Më shumë kredi të buta për shtëpi, qeveria synon të ndihmojë 2 mijë familje të reja
• Shtohen komandot turq, sa shkon numri i ushtarëve të KFOR me batalionin nga Ankaraja