Sulmohet spitali në Gaza, plagosen 21 persona, mes tyre gra dhe fëmijë

Të paktën 21 persona janë plagosur në një sulm në spitalin al Quds në Gaza, ka pohuar Shoqata e Gjysmëhënës së Kuqe Palestineze (PRCS).

Organizata humanitare tha se xhamat ishin thyer dhe se pjesë të tavanit ranë nga shpërthimi.

“Shumica e të prekurve ishin gra dhe fëmijë, duke shkaktuar frikë dhe panik ekstrem te civilët e zhvendosur brenda vendit,” tha ai.

Qindra njerëz janë strehuar në spital, pavarësisht se Izraeli urdhëroi njerëzit të evakuoheshin rreth dy javë më parë.

Një video e shpërndarë nga organizata tregoi punonjësit e shëndetësisë që mbanin fëmijë dhe kujdeseshin për një grua me një lëndim në këmbë.

Forcat e Mbrojtjes së Izraelit kanë thënë më parë se nuk do të sulmojnë spitalet, pavarësisht se e dinin se Hamasi po vepron nga brenda objekteve.

LEXONI GJITHASHTU:

• Kritiku i Vuçiç ikën nga Serbia: Do kërkoj azil, lashë djepin e të keqes në Ballkan
• Politikani serb: Do kandidoj në zgjedhje, do them të vërtetën për Kosovën