Disa militantë të armatosur thuhet se kanë marrë peng rreth 450 pasagjerë të një treni dhe kanë plagosur makinistin gjatë një sulmi në provincën jugperëndimore të Balochistanit në Pakistan.

Sipas zyrtarëve vendor Ushtria Çlirimtare Baloch ka kërcënuar se do të ekzekutojë të gjithë pengjet nëse autoritetet pakistaneze përpiqen të ndërhyjnë.

“Mbi 450 pasagjerë në bord janë mbajtur peng nga persona të armatosur”, tha për AFP Muhammad Kashif, një zyrtar i lartë i qeverisë hekurudhore në Quetta, kryeqyteti i provincës.

Treni Jaffar Express ishte duke u nisur nga Quetta në provincën jugperëndimore të Balochistanit të Pakistanit për në Peshawar në Khyber Pakhtunkhwa kur u sulmua, thanë zyrtarët hekurudhor.

Në një deklaratë, Ushtria Çlirimtare Baloch (BLA), një grup militant separatist, mori përgjegjësinë për sulmin dhe tha se ata kishin marrë pengje nga treni, duke përfshirë forcat e sigurisë.

Në deklaratën e BLA thuhet gjithashtu se; “Gjatë këtij operacioni, luftëtarët e BLA kanë liruar gra dhe fëmijë”.

Zyrtarët nga qeveria provinciale apo nga hekurudhat nuk konfirmuan marrjen e pengjeve.

LEXONI GJITHASHTU:

• SHBA-Pakistan zhvillojnë operacion të përbashkët për kapjen e një terroristi
• Sulm kamikaz në Pakistan: Të paktën 12 të vdekur, 30 të plagosur, përfshirë fëmijë