Sunak zotohet se do t’u kërkojë llogari njerëzve për mbështetjen e Hamasit

Kryeministri britanik Rishi Sunak ka shprehur sot mbështetjeje për komunitetin hebre në Mbretërinë e Bashkuar pas demonstratave pro palestineze në këtë vend.

Sunak u zotua se do t’u kërkohet llogari njerëzve për mbështetjen e Hamasit.

“Ne qëndrojmë në solidaritet me Izraelin dhe popullin e Izraelit përballë këtyre akteve barbare të terrorizmit. Mbrëmë shkova për të vizituar një sinagogë në Londër për të shprehur mbështetjen time për komunitetin hebre në Britaninë e Madhe. Unë isha pa mëdyshje me ta se ne do të sigurohemi që ata të ndjehen të sigurt në këtë kohë. Policisë i janë dhënë udhëzime dhe këshilla shumë të qarta nga qeveria për të bërë gjithçka që mundet për të mbajtur komunitetin të sigurt. Ata do të shtypin çdo sjellje që bie në kundërshtim me ligjin. Unë thjesht u kujtoj të gjithëve se Hamasi është një organizatë terroriste e ndaluar”, tha Sunak.

Më shumë se 10 britanikë dyshohet se janë të vdekur ose të zhdukur në vend, raporton Sky News.

LEXONI GJITHASHTU:

• Praktikoi ushtrinë, si e mashtroi Hamasi Izraelin për disa muaj para se ta sulmonte
• Presidenti i Izraelit thirrje botës: Dënoni Hamasin, janë terroristë