“Super-sistemi izraelit Arrow 3”, gazetari: Cili shtet ofroi 3.8 mld euro për blerjen e tij

Gazetari Eno Luarasi, ka folur në “Review” lidhur me një sistem izraelit, i cili ekziston që në vitin 2018, por është avancuar sa i përket asgjesimeve të raketave balistike që ky sistem kryen.

Në një intervistë me Greta Topjana, Luarasi shton se Gjermania ka ofruar një shifër marramendëse për blerjen e Arrow 3, duke u bërë vendi i parë në Europë me këtë sistem.

“Arrow 3, sistemi izraelit është sistemi më i avancuar sa i përket asgjesimit të raketave balistike. Gjermania është shteti i parë europian që ka një mbrojtje ndaj raketave balistike që e ka blerë nga Izraeli.

Është një shifër prej 3.8 miliard euro, projekti dhe fondi i dhënë nga Gjermania për blerjen e këtij sistemi. Arrow 3 është instaluar në dhjetor të 2025 në Berlin në një bazë ajrore.

Ky sistem izraelit është i vetmi sistem që mund të rrëzojë raketën e rrezikshme Oreshnik të Putinit. Arrow 3 lëviz me një shpejtësi më të ngadaltë se Oreshnik por arma sekreti e këtij sistemi është se bën asgjesimin e raketave balistike në fazën maksimum ku ato kalojnë atmosferën dhe ato humbin shpejtësinë e tyre super të madhe”, u shpreh Eno Luarasi.