Kampionati Italian këtë sezon po tregon një garë të jashtëzakonshme dhe mjaft të luftuar. Në dallim nga sezonet e tjera, kreu i tabelës zotërohet nga Napoli, me këta të fundit të cilën e anë rrugën të lirë drejt titullit kampion. Aktualisht diferenca me vendin e dytë që mbahet nga Interi është 47 pikë.

Skuadra e Spalletit do të tentojë të thellojë edhe më tej hendekun e pikëve, ku mbrëmjen e kësaj të premte luan në shtëpi përballë Lazios. Në fazën e parë, kryesuesit e kampionatit fituan në transfertë 1-2 me golat e Kim dhe Kvaratshkelia.

Në këtë përballje që përkon me fazën e dytë të kampionatit Italian, Napoli nuk ka në dispozicion dyshen Mariu Rui-Raspadori, në anën tjetër mbrojtësi Casale, ndërsa në dyshim sulmuesi spanjoll Pedro.

Gjykimi i është besuar arbitrit Luca Pairetto, ndërsa favorit cilësohen napoletanët të cilët kanë vetëm 1 humbje në 24 takime të luajtura.