Sveçla publikon pamjet e supervilës së Radoiçiç: Pablo Escobar, jo luftëtar lirie

Ministri i Brendshëm i Kosovës, Xhelal Sveçla ka publikuar pamje nga brenda vilës superluksoze të Milan Rodoiçiç, që u kontrollua nga policia e Kosovës në kuadër të hetimeve për sulmin terrorist të së dielës në Banjskë.

Sveçla ka shkruar se sulmi terrorist me të cilin është ballafaquar Policia e Kosovës në fshatin Banjska të Zveçanit do të hetohet detajisht dhe deri në fund.

“Sulmi terrorist me të cilin është ballafaquar Policia e Kosovës në fshatin Banjska të Zveçanit do të hetohet detajisht dhe deri në fund.

Policia e Kosovës në zbatim të urdhëresës së gjykatës, sot ka kryer bastistje në banesën e Milan Radojçiq, në vilën tij në Liqenin e Ujmanit, në një aneks/ngrohtore të Spitalit të Mitrovicës si dhe në shtëpinë e Vladimir Radivojevic i njohur me nofkën “Mami”.

Ne e kemi dëshmuar edhe me pamje dhe me prova të tjera që udhëheqësi i këtij grupi ishte Milan Radojciç. Edhe nga pamjet që po shihen, dëshmohet se nuk bëhet fjalë për asnjë “luftëtar lirie” por për një Pablo Escobar të rajonit. Nën maskën e mbrojtësit të qytetarëve ai dhe bashkëpunëtorët e tij u bënë multi milionerë në kurriz të ligjit, shtetit dhe qytetarëve të tjerë.

Prandaj, është e domosdoshme që vatra e krimit e gjithë këtyre viteve në veri të vendit të hetohet së bashku me të gjithë asetet, aparaturën dhe lokacionet e grupit terrorist.

Millan Radoiçiç ka sot pranuar pjesëmarrjen dhe organizimin e sulmit në Basnjkë më 24 shtator.

Përmes një letre të lexuar nga avokati i tij Goran Petronijeviç për publikun nga Beogradi, Radoiçiç, pranon se është personi që ka kryer përgatitjet logjistike për ngjarjet në Veriun e Kosovës.

Ai ka deklaruar se arsyeja për armatimin e grumbulluar është nisja e rezistencës ndaj terrorit të asaj që ai e cilëson si regjimi i kryeministrit Kurti.

 

 

LEXONI GJITHASHTU:

• “Përgatita personalisht gjithçka më 24 shtator”, Radoiçiç: Arsyeja e sulmit
• Milan Radoiçiç konfirmon pjesëmarrjen dhe organizimin e sulmit në Banjskë