Milan Radoiçiç konfirmon pjesëmarrjen dhe organizimin e sulmit në Banjskë

Millan Radoiçiç ka pranuar pjesëmarrjen dhe organizimin e sulmit në Basnjkë më 24 shtator.

Përmes një letre të lexuar nga avokati i tij Goran Petronijeviç për publikun nga Beogradi, Radoiçiç, pranon se është personi që ka kryer përgatitjet logjistike për ngjarjet në Veriun e Kosovës.

Ai ka deklaruar se arsyeja për armatimin e grumbulluar është nisja e rezistencës ndaj terrorit të asaj që ai e cilëson si regjimi i kryeministrit kurti.

“Arsyeja e kthimit tonë ishte inkurajimi i serbëve, popullit të asaj zone, për t’i rezistuar terrorit të regjimit të Kurtit, duke mbrojtur njerëzit tanë, që çdo ditë i ekspozohen atiji terror”, ka thënë ai, duke iu referuar kryeministrit të Kosovës, Albin Kurti.

Avokati, duke e lexuar letrën e Radoiçiçit, ka thënë se për veprimet e tij ai nuk e ka njoftuar askënd prej strukturave qeveritare serbe apo atyre politike lokale në veri të Kosovës, dhe as nuk e ka pranuar ndihmën e tyre.

Kujtojmë se si pasojë e përleshjeve të Policisë me grupin e terroristëve serbë humbi jetën efektivi i policisë Afrim Bunjaku, si dhe tre agresorë serbë.

LEXONI GJITHASHTU:

• Osmani pas takimit me ambasadorët e QUINT-it: Serbisë duhet t’i kërkohet llogari
• “Përgatita personalisht gjithçka më 24 shtator”, Radoiçiç: Arsyeja e sulmit