Tajvani i shpreh ngushëllimet dhe i ofron ndihmë Kinës pas tërmetit 

Autoritetet e Tajvanit i shprehën ngushëllimet e tyre Kinës pas një tërmeti shkatërrues në provincën Sichuan dhe thanë se ishin të gatshëm të dërgonin shpëtimtarë si një gjest vullneti të mirë, pavarësisht tensioneve ushtarake me Pekinin, raporton Reuters.

Presidentja e Tajvanit Tsai Ing-wen shprehu “shqetësimin” pas tërmetit të së hënës në Kinën jugperëndimore, i cili vrau të paktën 46 njerëz, tha zyra e saj.

Krahas ngushëllimeve për familjet e të vdekurve, ajo tha se shpreson që operacionet e kërkim-shpëtimit dhe rikuperimi pas katastrofës do të mund të vazhdojnë pa probleme dhe se jeta normale do të rifillojë sa më shpejt të jetë e mundur, thuhet në deklaratë.

LEXONI GJITHASHTU:

• Kina paralajmëron SHBA-të: Mos i shisni armë Tajvanit, do marrim masa