“Tajvani po provokon luftë”, Kina: Do ta sulmojmë nëse…

Pavarësia e Tajvanit nënkupton luftë, paralajmëroi ministria e Mbrojtjes së Kinës. “Ndarja nuk sjell paqe”, tha zëdhënësi i kësaj ministrie, duke iu referuar ndarjes së Tajvanit nga Kina kontinentale.

Komentet e tij erdhën në vazhdën e stërvitjeve ushtarake në shkallë të gjerë të Kinës rreth Tajvanit javën e kaluar, ishulli ky të cilin Pekini e konsideron të vetin. Sipas zëdhënësit te ministrit te Mbrojtjes, Ushtria Çlirimtare Popullore është “plotësisht e përgatitur dhe qëndron në gatishmëri”.

“Ne do të ndërmarrim veprime të vendosura për të goditur çdo përpjekje separatiste të ‘pavarësisë së Tajvanit’ dhe për të penguar çdo ndërhyrje të huaj”, tha ai.

LEXONI GJITHASHTU:

• Presidenti i Tajvanit, i hapur të punojë me Kinën për “paqe”
• Shefat e mbrojtjes të SHBA-së dhe Kinës do të takohen pas tensioneve në Tajvan