Tarifat e Trump prekin dhe rajonin, përqindjet për Shqipërinë, Kosovën dhe Serbinë

Në listën e gjatë me më shumë se 60 vende që do të tarifohen nga administrata e Donald Trump, janë përfshirë edhe Shqipëria dhe Kosova.

Sipas tabelës që është bërë publike nga gazetarët që ndoqën nga afër konferencën e Presidentit të SHBA-së, Shqipëria do të ketë një tarifë prej 10%.

Për mallrat e importuara nga Kosova është vendosur një tarifë prej 10%, ndërsa për ato nga Serbia 37%, nga Bosnja dhe Hercegovina 35%, dhe nga Maqedonia e Veriut 33%.

Tarifat doganore për vendet e Ballkanit:

• Shqipëria: 10%

• Kosova: 10%

• Maqedonia e Veriut: 35%

• Bosnja dhe Hercegovina: 35%

• Serbia: 37%

Zyrtarë të lartë të Shtëpisë së Bardhë thanë se tarifa bazë prej 10% do të hyjë në fuqi më 5 prill, ndërsa tarifat reciproke do të hyjnë në fuqi më 9 prill.

Duke folur në Shtëpinë e Bardhë, Trump njoftoi se ndaj importeve nga Kina do të vendoset një tarifë prej 34%, ndaj atyre nga Bashkimi Evropian 20%, nga Koreja e Jugut 25%, nga Japonia 24% dhe 10% për Britaninë e Madhe.

Përqindjet e tarifave doganore

• Britania e Madhe: 10%
• Bashkimi Evropian: 20%
• Japonia: 24%
• Koreja e Jugut: 25%
• Kina: 34%
• Vietnami 46%
• Kamboxhia 49%

LEXONI GJITHASHTU:

• Trump nënshkruan urdhrin për tarifat doganore: 20% për BE dhe 10% për Britaninë
• Trump miratoi tarifat, BE: Po përgatisim “kundërmasa” për të mbrojtur interesat tona