Konsumatorët amerikanë do të përballen me çmime më të larta për koktejet, birrat dhe shampanjën e importuar, ndërsa markat e njohura mund të zhduken nga menutë e bareve, si pasojë e tarifave të reja të vendosura nga administrata e Donald Trump.

Masat përfshijnë një taksë 25% mbi importet e birrës dhe tarifa shtesë për kanaçet e aluminit, duke ndikuar marka si Corona dhe Heineken. Edhe koktejet popullore si Negroni, që përdorin Campari italian, do të preken.

Industria paralajmëron humbje të mëdha vendesh pune në SHBA dhe Evropë, ku eksportet e pijeve alkoolike drejt Amerikës arritën 2.9 miliardë euro në 2024. Franca dhe Spanja parashikojnë rënie të ndjeshme të shitjeve, sidomos në rajonet që varen nga eksportet, si prodhuesit e Konjakut.

Megjithatë, disa kompani si Diageo dhe Campari panë rritje të aksioneve, pasi tarifat e kërcënuara për tekilën dhe uiskin kanadez nuk u zbatuan. Ndërkohë, një taksë 200% mbi alkoolin evropian mbetet ende në shqyrtim.

LEXONI GJITHASHTU:

• Kina i kërkon SHBA që të heqë menjëherë tarifat dhe zotohet të hakmerret
• Tarifat amerikane, Britania ndërmerr hapin e parë drejt ‘hakmarrjes’ ndaj SHBA-së