Taulant Balla thotë se listat e LSI-së në Elbasan fshehin njerëz që kanë probleme me drejtësinë

Sekretari i Përgjithshëm i Partisë Socialiste, Taulant Balla tha në një intervistë me gazetaren Ilva Tare se në Elbasan Lëvizja Socialiste për Integrim ka në listën e kandidatëve për deputetë persona që kanë probleme me ligjin.

“[…] në vlerësimin tim lista e LSI-së fsheh njerëz që kanë probleme me drejtësinë, për të cilët unë kam ngritur gishtin, në Cërrik ish-kryetari i Bashkisë është i kallëzuar në SPAK, apo ish-kryetarja e Bashkisë Përrenjas,” – u shpreh Balla duke mos e zgjatur më tej komentin për parti të tjera të opozitës.

I pyetur për vlerësimin e kundërshtarëve politikë, Balla nuk preferoi të komentonte, por këmbënguli se PS do të jetë e suksesshme në zgjedhjet e 25 prillit në Eblasan dhe tha se opozita do të marrë vetëm tre-katër mandate.

“Bashkia e Elbasanit nuk ekziston në listën e Partisë Demokratike, PD do ketë tre apo katër mandate në Elbasan asnjë nga kandidatët e parë nuk do të ketë lidhje me Bashkinë Elbasan,” – u shpreh Balla, duke këmbëngulur për çështje të thjeshtë.

Balla këmbënguli se të gjitha sondazhet nxjerrin PS-në fituese të zgjedhjeve dhe tha se objektivi minimal është marrja e 78 mandateve dhe maksimali 88.

Lexoni gjithashtu:

Incidenti në Elbasan mes simpatizantëve PS-PD në 14 mars, Taulant Balla: Nuk shkohet në festë me flamuj partie

Balla: Në Elbasan synojmë 9 mandate, Basha e Bardhi po u bëjnë presion kompanive të ndërtimit