Aktualitet | Lajmi i fundit

Të akuzuar për trafik droge, jepen masat e sigurisë për ish-shefat e krimeve

3 Mars 2025 | 13:49

Gjykata e Posaçme ka konfirmuar masën e sigurisë “arrest në burg” për zyrtarët e lartë të policisë dhe ish-efektivin e Operacionales që dyshohet se janë përfshirë në trafikun e drogës.

Të arrestuarit janë Shkëlzen Ruska, ish-shefi i krimeve në Komisariatin e Himarës,

Ervis Alisinanaj, ish-shefi i krimeve në Komisariatin e Lushnjës,

ish-efektivi i Forcave Operacionale, Erdit Hazizaj.

Zyrtarët e policisë dhe ish-efektivi i Operacionales janë arrestuar me urdhër të SPAK për akuzën e trafikut të lëndëve narkotike, si dhe një efektiv tjetër të shpallur në kërkim për të njëjtën akuzë.

Në kërkim janë shpallur dhe 3 drejtuesit e 2 grupeve kriminale si dhe 3 shtetas të tjerë të përfshirë në disa episode kriminale.

Kristo Qirici, i njohur dhe me 2 emrat e tjerë Jetmir Hoxhaj dhe Jetmir Qirici
Eldjon Alushaj, i njohur dhe si Kosta Alushaj
Benci Toska
Shkelzen Kraja
Xhino Nebi
Luiz Bala i njohur dhe si Edmond Sinanaj

Policët e inkriminuar, sipas SPAK rezulton se kanë qenë përdorues të aplikacionit SKY ECC me të cilët mbanin kontakte me grupet kriminale për ti siguruar mbështetje.