Blendi Çeka nga Data Centrum komentoi gjetjet e “Barometrit” në Euronews Albania lidhur me parashikimin e qytetarëve mbi rezultatin e zgjedhjeve të 11 majit, ku rezulton se 64 % e tyre mendojnë që këto zgjedhje do t’i fitojë Partia Socialiste.

Çeka tha se këto të dhëna janë alarm për opozitën, por mund të shkaktojnë një efekt bumerang edhe te PS pasi mund të ketë problemin e mobilizimit.

“Nëse ky është humori i përgjithshëm brenda shoqërisë, efekti është ortek dhe ka efekt përforcues; mund të ketë edhe efekti e kundërt brenda subjekteve. Për shembull te PS mund të ketë problemin e mobilizimit se çaktivizohen njerëzit. Për opozitën qendrore ka edhe një muaj kohë të shpallë koalicionet…. Për opozitën është sinjal shumë i drejtpërdrejtë alarmi, 30 ditë para shpalljes së koalicioneve në këtë lloj realiteti duket që ka një rrugë shumë të vështirë përpara”, tha Çeka.

LEXONI GJITHASHTU:

• Si e parashikojnë shqiptarët rezultatin e 11 majit. Barometri zbulon shifrat
• Cilat janë problemet kryesore të shqiptarëve para zgjedhjeve. Gjetjet e Barometrit