Të fshehura në 6 qese plastmasi, si u sekuestruan 500,000 eurot në Portin e Durrësit

Policia e Durrësit ka dhënë informacion zyrtar në lidhje me sekuestrimin e një sasie prej rreth 500 mijë eurosh, në portin e qytetit  bregdetar.

Paratë ishin fshehur në pjesën e sipërme të një autobusi në 6 qese plastmasi, brenda të cilave kishte disa pako.

Kontrolli i imtësishëm nga Seksioni kundër Krimit Ekonomik dhe Financiar i DVP Durrës, u krye si rezultat i një hetimi njëmujor të kryer nga Policia Kriminale e DVP Durrës, për mundësinë e futjes së një shume të madhe eurosh në vendin tonë, nëpërmjet këtij porti.

Targa e autobusit ku është identifikuar sasia e eurove është, AB633FZ.

Nga Policia e DVP Durrës janë shoqëruar disa persona dhe vijon puna për numërimin e saktë të sasisë së eurove dhe për identifikimin e kapjen e  personave të përfshirë.

LEXONI GJITHASHTU

• Sekuestrohen 500 mijë euro të padeklaruara në Portin e Durrësit
• Europa mes dy zjarresh, eksportuesit më të mëdhenj të LNG-së heqin dorë prej saj
• Balluku: Nga porti i Vlorës do fusim gazin amerikan në Ballkan