U kritikua nga personazhe të ndryshëm të botës së futbollit, mes tyre dhe ish-sportistë, por është çështje orësh që të zyrtarizohet kampionati europian i 21-vjeçarëve, që organizohet nga Shqipëria në bashkëpunim me Federatën Serbe. Ditën e hënë, UEFA pritet të mbledhë komitetin ekzekutiv, ku do të diskutohen disa pika, mes tyre edhe ajo që ka shkaktuar së tepërmi polemika, bashkëpunimi mes dy federatave shqiptare dhe serbe. Muaj më parë u bë me dije se aplikimi i bërë prej tyre ishte i vetmi në përputhje me rregullat e qeverisë evropiane të futbollit, duke dhënë idenë se gjithçka është miratuar.
Pra, ditën e hënë mbetet vetëm zyrtarizimi i këtij vendimi, teksa, ashtu siç ka ndodhur më herët, pritet që të ketë reagime të mëdha në Shqipëri dhe Kosovë. Kundërshtia e tyre nuk pritet të ketë ndikim në këtë proces, që ka marrë dritën jeshile, por më pas do të jetë përgjegjësia e organizatorëve për të garantuar rendin dhe sigurinë, pasi në 2014-ën, stadiumi i Beogradit u kthye në arenë boksi, ku u sulmuan dhe dhunuan futbollistët e kombëtares kuqezi.
LEXONI GJITHASHTU:
- Kualifikuset për Kupën e Botës 2026, shorti për të gjitha grupet
- Kualifikueset e Botërorit 2026, Shqipëria në grup me Serbinë dhe Anglinë
