‘Të japë arsyet’, Petrit Vasili: Sot dha dorëheqjen Rama si ministër i Jashtëm, jo Cakaj

Nënkryetari i Lëvizjes Socialiste për Integrim, Petrit Vasili u shpreh për Euronews Albania se sot nuk ka dhënë dorëheqjen Gent Cakaj, por Edi Rama si ministër i Jashtëm.

“Sot ka dhënë dorëheqjen Edi Rama nga ministri i Punëve të Jashtme. Ministri Cakaj nuk është dekretuar kurrë si ministër i Punëve të Jashtme”, u shpreh Vasili.

Ai theksoi më tej se Rama pasi dha dorëheqjen nga një detyrë kaq e rëndësishme, duhet të jepte edhe arsyet.

“Si mund të flasim për një ministër që dha dorëheqjen. Gent Cakaj ka qenë një zv.ministër i Punëve të Jashtme dhe kaq. Kushtetuta e Shqipërisë njeh Edi Ramën që është dekretuar nga Presidenti i Republikës. Ministri i Punëve të Jashtme ka dhënë dorëheqjen dhe duhet të jepte edhe arsyet pse ka dhënë dorëheqjen”, tha më tej Vasili.

Sa i përket Niko Peleshit dhe Olta Xhaçkës që morën postet e reja, Vasili këta të fundit i quajti mbeturina të Rilindjes.

“Sa i takon figurave, riciklimi i të njëjtave mbeturinave të Rilindjes, besoj se nuk kam pse humbas kohë në komente më ta”, u shpreh Vasili.

Lexoni gjithashtu:

Ndryshime në qeveri, Ministria e Jashtme i kalon Xhaçkës, rikthehet Niko Peleshi

Peleshi ministër i Mbrojtjes, Mentor Kikia: Strategji politike e Ramës për zgjedhjet e 25 prillit