“Të kalohet dosja për gjykim”, SPAK mbyll hetimet për ish-kryebashkiakun e Himarës

Prokuroria e Posaçme ka mbyllur hetimet për çështjen e dytë ndaj ish-kryebashkiakut të Himarës, Jorgo Goro, i akuzuar për “shpërdorim detyre” në bashkëpunim.

Organet e akuzës kanë paraqitur kërkesën në Gjykatën e Posaçme kundër Korrupsionit dhe Krimit të Organizuar (GJKKO) për kalimin e dosjes për gjykim ndaj Goros, Vasillaq Strakoshës dhe Jerisimo Bashit. Nga shorti elektronik i hedhur këtë të enjte, gjyqtarja Etleva Deda u caktua për të shqyrtuar kërkesën e Prokurorisë së Posaçme.

Sa i përket çështjes së parë, pritet që më 10 shkurt, në orën 13:00, të lexohen konkluzionet nga SPAK, pasi në seancën e kaluar Jorgo Goro kërkoi të gjykohej me procedurën e gjykimit të shkurtuar.

Po ashtu, edhe dy ish-zyrtarët e tjerë, Vezir Gjikoka dhe Jerisimo Bashko, kërkuan të gjykoheshin me të njëjtën formë, ndërsa për Bilbil Aliajn, GJKKO ka vendosur ndarjen e çështjes, pasi ai ka kërkuar gjykim të zakonshëm.

Jorgo Goro u arrestua në mars 2024, pas një kallëzimi të bërë nga Fredi Beleri.

LEXONI GJITHASHTU:

• SPAK mbyll hetimet për Jorgo Goron, si u tjetërsuan 10 mijë m2 truall në bregdet
• “Mbështesim SPAK-un!”- Ambasadori britanik takim me Dumanin, zbardhen detaje