English

Të konsumosh drogë në parqe. Qytetarët në Elbasan të frikësuar: Ka shiringa kudo

KOMENTE

SHPERNDAJE
ARTIKULLIN

Text sizeAa Aa

Rritja e numrit të përdoruesve të drogës është tashmë një realitet i hidhur në qytetin e Elbasanit.

- Advertisement -

Në qendrën e rehabilitimit në Elbasan, 73 është numri i personave që aktualisht kërkojnë ndihmë për të lënë drogën. Por ka mijëra të tjerë që vazhdojnë të jenë të varur nga lëndët narkotike. Dëshmitë janë shiringat dhe mbetje të tjera që i gjen në lagjen Kala apo edhe tek parku Rinia.

Për banorët, përdoruesit e drograve janë kthyer në shqetësim.

“Aq shqetësuese është, sa nuk gjejmë rehat gjithë natën. Këtu vlohet, ne kemi dritaren këtu”, thotë një banor.

“Sidomos prej këtu shkojnë te kisha; te kisha bëhet nami. Nuk ka as kontroll, asgjë. Atje venë pinë drogë e çfarë nuk bëhet”, shton ai.

Një tjetër banore e zonës shprehet se kanë frikë të çojnë fëmijët në park pasi ka shiringa kudo.

“Po sjellim fëmijët këtu; për mua është shumë problematike, sepse cep më cep shikojmë shumë gjëra, shume shiringa, të rinj, dhe mund të trembemi”, tha ajo.

Shëtitjet në parkun “Rinia” janë kthyer në problematike për të gjitha moshat. Vetë qytetarët pranojnë se e kanë të pamundur të afrohen aty gjatë mbrëmjes.

“Shumë e rrezikshme është për shoqërinë, për fëmijët. Ne i mbajmë mbyllur, nuk i nxjerrim fare përjashta”, tha një grua.

“Këtu është pisllëk, nuk afrohet njeri këtu”, deklaroi një tjetër qytetar.

Në funksion të përdoruesve janë vendosur edhe qendrat e metadonit, që funksionojnë në shumicën e qyteteve në vend. Referuar shifrave, 60 mijë persona pranojnë se kanë provuar të paktën njëherë lëndë narkotike në jetën e tyre, por numri i përdoruesve është shumëfish më i lartë. 8 mijë është numri i personave që janë konsumator të drograve të forta.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×